Amserau Agor a Pharcio
Mae Parc yr Esgob ar agor yn ddyddiol gydol y flwyddyn ac mae lle parcio ar y safle.
Mae Amgueddfa Sir Gaerfyrddin ar gau ar gyfer gwaith adfer ac adnewyddu ar hyn o bryd.
Ni chodir tâl mynediad i Barc yr Esgob. Nid oes cyfleusterau toiled ar gael tra fo’r Amgueddfa ar gau.
Beth sy’n digwydd yn y safle?
Pan fydd yr amgueddfa’n ail-agor, a phan fydd y gwaith ar yr adeiladau allanol a’r parc wedi ei gwblhau ym mis Medi 2021, bydd y cyfleusterau ymwelwyr yn cynnwys caffi, toiledau a chanolfan ddysgu.
Gallwch ddarllen mwy am y cynlluniau newydd cyffrous ar gyfer y Parc yma.
Cyfarwyddiadau – i Gyrraedd Yma
Rydym ym mhentref Abergwili, ychydig i gyfeiriad y dwyrain o Gaerfyrddin. Os ydych chi’n teithio yn y car, cymerwch yr A40 rhwng Caerfyrddin a Llandeilo a dilynwch yr arwyddion brown i Amgueddfa Sir Gaerfyrddin. Y cod post ar gyfer y safle yw SA31 2JG.
Os ydych chi’n teithio ar fws, mae llwybrau bws 279 a 280 / 281 rhwng Caerfyrddin a Llandeilo’n mynd trwy Abergwili.
Hygyrchedd
Parc hanesyddol yw Parc yr Esgob a dirluniwyd diwethaf ar ddechrau’r bedwaredd ganrif ar bymtheg. O ganlyniad, mae cyflwr y llwybrau’n golygu nad yw’r safle i gyd o fewn cyrraedd ymwelwyr gyda symudedd cyfyngedig, cadeiriau gwthio na phramiau ar hyn o bryd. Wrth i’n prosiect adnewyddu ddatblygu, bwriadwn greu llwybrau pob tywydd hawdd mynd atynt er mwyn i’n holl ymwelwyr allu mwynhau’r tir gwych trwy gydol y flwyddyn.
Cadwch lygad ar ein rhan newyddion diweddaraf i gael gwybodaeth am ein cynnydd.
Covid 19 – Cadw Pellter Cymdeithasol
Oherwydd Covid-19 a’r gwaith adeiladu, bu’n rhaid gwneud newidiadau i’n parc.
Os gwelwch yn dda:
- mynediad ar droed yn unig – dim ceir yn y Parc
- cadwch eich ci ar dennyn byr
- peidiwch â mentro i ardaloedd cyfyngedig
- peidiwch ag ymweld os oes symptomau arnoch
Cadw pellter cymdeithasol – Cadwch bellter o 2 fetr rhyngoch chi ac eraill.
Mwynhewch eich ymweliad!